Eðlisfræðingar, veðurfræðingar eða bara venjulegt fólk sem veit mikið....

Hvað er í gangi þegar það kemur þykk móða á framrúðuna um leið og maður kemur inn í Hvalfjarðargöngin þannig að maður keyrir næstum því á og þarf svo að vera með rúðuþurrkurnar á fullu allavega fyrsta kílómetrann inni í göngunum af því móðan kemur alltaf aftur?

Á meðan ég var að furða mig á þessu fór maðurinn í útvarpinu að tala um að bráðum yrði uppstigningardagur geitunga. Grátigrát. Eitthvað rámar mig í það að þegar ég var lítil stelpa í stórri borg í Þýskalandi, þar sem ég var líka stödd í íbúð með stórum glugga með nokkrum geitungum í, hafi ég skemmt mér ágætlega við geitungafjöldamorð vopnuð engu nema belti. (Ég reyndar skil ekki alveg hvernig ég var að nota belti til að drepa geitunga en svona er þetta í minningunni.) Þetta var áður en geitungar gerðu innrás í Ísland og þegar þeir komu fannst mér það svo sem ekkert gaman en ég var ekki hrædd við þessar litlu röndóttu flugur....hélt alveg kúlinu á meðan aðrar stelpur hlupu í allar áttir alveg að gera í buxurnar úr hræðslu (ok, kannski smá ýkt ...en það er allavega satt að ég hélt alveg kúlinu). Því ég vissi jú alveg að geitungar stungu (oftast) bara ef þeim fannst þeim ógnað. Þetta veit ég enn þann dag í dag og veit líka að býflugur eru ennþá meiri friðarsinnar en geitungar en samt verð ég eins og histerísk gömul kelling þegar ég sé svona feitt loðið fljúgandi kvikindi. Hvað er það? Ég skil alveg að maður hættir að þora alls konar hlutum með aldrinum, losnar við fífldirfskuna skulum við segja, en þetta er bara sönnun fyrir því að maður forheimskast líka með aldrinum. Eða ég allavega. Eins og heilastöðvarnar sem stjórna hræðslu og stöðvarnar sem vita hvað maður þarf að hræðast eigi í einhverjum samskiptaörðugleikum...eða eitthvað....örugglega til eitthvað gott orð yfir þetta á latínu.

Anyways...hann (útvarpsmaðurinn) var eflaust að lesa þetta upp úr einhverju blaði eða eitthvað og þar stóð að núna yrði væntanlega mun meira af geitungum en í fyrra. Svo bætti hann við að enginn vissi í rauninni af hverju stofninn hefði hrunið í fyrra en að það væri væntanlega bara tímabundið hrun. Ha? Vissi það enginn? Ég hélt að þeir hefðu ruglast í ríminu af því það kom eitthvað hlýindaskeið á undan sumrinu og geitungarnir fóru á stjá og svo kom frost aftur og drap þá alla. Bjó ég þessa kenningu bara til sjálf?

Athugasemdir

[Huldusinn (IP-tala skráð) 10.5.2006 kl. 11:45]

Ekki gott ráð að spyrja einhvern of kláran um móðuna, gæti endað í hálftíma fyrirlestri um varpanir og dreifingar þar sem jafna Hammiltons kemur við sögu.
Mín kenning (kenning heimska mannsins) er að þetta sé til að bögga mann ;)

Djöfull ertu svo öflug að blogga...og djöfull er ég öflug að fara reglulega inn á síðuna þina og kommenta.

[Sunna, 10.5.2006 kl. 12:00]

lol það er satt...hefði kannski átt að hafa fyrirsögnina "fólk í heimskari kantinum sem hefur samt einhvern lágmarksskilning á móðumyndun..."

en já við eigum báðar hrós skilið fyrir skrifdugnað....og get this...ástæðan fyrir að ég kom inn á síðuna mína núna og sá kommentið þitt og svaraði því er sú að ég ætlaði að fara að blogga meira....en nú er víst kominn matur svo það frestast.